New Orleans-aanvaller het alleen gewerk

Die FBI glo Shamsud-Din Jabbar het alleen opgetree in die dodelike New Orleans-aanval op Nuwejaarsdag. Veertien mense is dood en minstens 35 beseer nadat ‘n bakkie tussen ‘n skare mense ingejaag het. Jabbar is tydens die aanval in ‘n skietgeveg met die polisie dood. Hy het voor die aanval video’s aanlyn geplaas waarin hy sy verbintenis tot die Islamitiese Staat verklaar het. Die FBI sê daar is tans geen definitiewe verband met die ontploffing van ‘n Tesla Cybertruck voor die Trump Hotel in Las Vegas ure later nie.