Dit reën lekker in die noorde, maar nie oral

Die noordelike dele van Namibië het die afgelope dae goeie reënval ervaar, wat bestaansboere aangemoedig het om hul landerye te begin bewerk. Geïsoleerde en verspreide buie is in die Omusati-, Oshana- en Oshikoto-streke gerapporteer, waar swaar reënval plek-plek skade aan huise en ander infrastruktuur veroorsaak het. Kosmos 94.1 Nuus het gepraat met Omusati-goewerneur Erginus Endjala, wat sê nie alle dele van die streek het reën gehad nie.