Mamelodi-Oos eis watertenkwaens van Stad Tshwane

Inwoners van Mamelodi-Oos eis vir die Stad Tshwane om watertenkwaens aan die gemeenskap van Mamelodi-Oos uitbreiding ses te voorsien. Die gemeenskapslede ervaar reeds vir meer as twee jaar herhalende watertekorte. Inwoners wil hê die metro moet hierdie probleem permanent oplos sodra die staking deur werkers wat aan die Suid-Afrikaanse Munisipale Werkersunie behoort, verby is. Die probleem het begin met lae waterdruk, maar die krane is nou die hele tyd droog is.