Tennis: Ons Jabeur in eindstryd teen ongekeurde

Tennis: Ons Jabeur, wat verlede jaar ook die Wimbledon-eindstryd gehaal het, speel môre teen die ongekeurde Marketa Vondrousova in dié toernooi se vroue-eindstryd. Die sesde gekeurde Jabeur van Tunisië het ‘n skitterende terugkeer teen tweede gekeurde Aryna Sabalenka van Belarus gemaak en haar met 6-7, 6-4 en 6-3 verslaan om haar tweede agtereenvolgende eindstryd in Londen te haal. Die Tsjeg, Vondrousova, het Elina Svitolina van Oekraïne met 6-3 en 6-3 geklop en die eerste ongekeurde speler in die Ope-era geword om Wimbledon se vroue-eindstryd te haal.