Tennis: Medvedev gereed vir Alcaraz

Tennis: Dit is vandag die Wimbledon-vroue-halfeindstryde. Markéta Vondroušová van die Tsjeggiese Republiek kom te staan teen Elina Svitolina van Oekraïne, en daarna volg ‘n kragmeting tussen die sesde gekeurde Ons Jabeur van Tunisië en die tweede gekeurde Aryna Sabalenka van Belarus. Môre is die mans aan die beurt. Die Italiaanse agtste gekeurde Jannik Sinner speel teen die wêreld-nommer twee, Novak Djokovic, en die derde gekeurde Rus, Daniil Medvedev, sal die wêreld nommer een, Carlos Alcaraz, van Spanje pak. Medvedev sien daarna uit om teen die 20-jarige Alcaraz te speel.