Namandje onttrek uit Amushelelo-saak

Daar word berig dat die bekende advokaat Sisa Namandje onttrek het uit Michael Amushelelo se bedrog- en geldwasserysaak. Hy het onder instruksie van Kadhila Amoomo opgetree om Amushelelo te verdedig teen die aanklaer-generaal se aansoek om sy bates te bevries. Amushelelo, en sy vennoot Gregory Cloete, word elk van meer as 360 klagtes aangekla wat ook belastingontduiking en rampokkery insluit. Amushelelo het onlangs beroemdheid gewerf met sy arbeidsoptrede en hy is tans steeds in aanhouding na die mislukte protes teen jeugwerkloosheid op Onafhanklikheidsdag. Hy is tot dusver borg geweier omdat hy vorige borgvoorwaardes in ander, soortgelyke sake, oortree het.