Al Neuras se wyne wen goud by gesogte internasionale kompetisieJune 18, 2025

Neuras Wyn- en Wildlandgoed het ‘n mylpaal vir Namibië bereik, met al sy wyne wat ingeskryf was by die International Challenge Gilbert & Gaillard 2025, een van die wêreld se mees vooraanstaande wynkompetisies, wat goud gewen het. Die landgoed se Nappa Grappa het ‘n skaars en gesogte dubbel-goud ingepalm in die Grappa-kategorie. In die rooiwyn-kategorie was die wen-wyne die Neuras Namib Select, die Neuras Directors Reserve en die Neuras Shiraz. Die Neuras Ruby Dessert Wine het gewen in die dessertwyn-kategorie. Neuras Wyn- en Wildlandgoed is deel van die Na’an ku sê-stigting.