Mosiehof: Skuld op eiendomslenings meer as N$70 miljoen  

Namibiërs se skuldlas word al hoe groter. Kommersiële banke het 104 aansoeke om verstekvonnisse vanoggend in die mosiehof gebring. Regters Marlene Tommasi en Claudia Claasen het altesaam 149 aansoeke hanteer. Daar was 23 reël 108-aansoeke op die rol. Daar is 56 eiendomslenings ter waarde van 70,03 miljoen Namibiese dollar wat nou betaalbaar is, met 38 lenings waarop 24,1 miljoen dollar geskuld word. Tien voertuie moet ook terugbesorg word. In Maandag se sessie sal regter George Coleman 27 onverdedigde egskeidings hanteer.