Wetenskaplikes hou nuwe C.1.2.-variant dop

Die mutasies in die nuwe C.1.2-variant van die koronavirus suggereer dat dit meer oordraagbaar of beter daarmee is om die immuunrespons te weerstaan. Dít is waarom wetenskaplikes dié variant dophou, wat in Mei in Suid-Afrika geïdentifiseer is en intussen na ’n aantal lande wêreldwyd versprei het. Prof. Helen Rees, voorsitter van die Suid-Afrikaanse Gesondheidsprodukte-beheerraad, benadruk dat die C.1.2-variant tans slegs twee persent van monsters in die land uitmaak en nie so wyd soos die Delta-variant versprei nie. Volgens haar is dit met alle variante wat verskyn belangrik om laboratoriumtoetse te doen om te bepaal wat hul uitwerking op die doeltreffendheid van entstowwe is. 


Leave a Reply

Your email address will not be published. Required fields are marked *