Wetenskap-instituut kry skenking van Bill en Melinda Gates-stigting

‘n Instituut in KwaZulu-Natal het 74 miljoen rand ontvang om ‘n nuwe wetenskaplike netwerk te skep vir navorsing oor Vigs en tuberkulose. Die Sub-Saharan African Network for Tuberculosis and Aids Research Excellence sê dit sal hulle vennootskap-instellings in agt Afrikalande insluit. Die fondse sal die netwerk in staat stel om te fokus op entstofnavorsing en -ontwikkeling en nuwe benaderings om MIV en TB in Afrika, suid van die Sahara te voorkom. Die Bill en Melinda Gates-stigting stel die fondse beskikbaar as deel van hulle Collaboration for AIDS Vaccine Discovery-toelaag.