VSA en SA stig gesamentlike taakspan oor handel en belegging

Die Verenigde State van Amerika en Suid-Afrika het ‘n gesamentlike taakspan oor handel en belegging gestig. Suid-Afrikaanse President Cyril Ramaphosa sê dit het ten doel om sake-bedrywighede tussen die twee lande te bevorder. Die President sê Amerikaanse sakeleiers is gretig om in Suid-Afrika te belê. Ramaphosa meen dit is van kritieke belang om verhoudings met ander lande te bou ten einde geleenthede te skep en die land meer mededingend te maak.