Voornemende Unam-studente met regte NSFAF-brief kan registreer

Die Universiteit van Namibië sê in ‘n verklaring dat alle voornemende studente wat ‘n voorlopige toekenningsbrief van NSFAF ontvang het, nie die erkenningsbrief nie, nou kan registreer sonder om enige aanvanklike betalings te doen. Die universiteit raai studente aan wat reeds voorlopige toegang tot enige van sy programme gekry het, om dadelik hul voorlopige toekenningsbriewe vanaf NSFAF te verkry, en om dan by hul gekose kampus te gaan registreer. Die registrasie-tydperk is ook verleng tot 16 Februarie.