Vleis: dinge lyk baie beter as vroeër

Die jongste statistiek dui daarop dat sommige sektore in die land besig is om te herstel na die negatiewe impak van die Covid-pandemie. Die vleisbedryf is ook erg geraak omdat baie besighede wat vleis bedien, soos restaurante en hotelle, erg geraak is en veral vleisuitvoere het baie uitdagings ervaar. Volgens Rosa Hamukuaja-Thobias Meatco se bestuurder vir korporatiewe betrekkinge wat met Kosmos 94.1 Nuus gepraat het, lyk dinge nou aansienlik beter.