Verpleegkundiges wys glo verkragtingslagoffer weg

Die DA in die Oos-Kaap voel geregverdig omdat dissiplinêre stappe ingestel is teen twee verpleegkundiges wat ‘n verkragtingslagoffer weggewys het. Sy het later by ‘n polisiekantoor gesterf. Die Gesondheidsombud het hul gedrag in die Motherwell-kliniek in Gqeberha sterk veroordeel. Hy sê hulle het die raamwerk en riglyne van professionele etiek rakende die bestuur van verkragtingslagoffers oortree. Michele Clark van die party, sê die openbare gesondheidswerkers het Zenizole Vena gefaal terwyl hulle veronderstel was om haar te help en by te staan.