Vermeende rower doodgeskiet

Die polisie ondersoek ‘n saak van moord in Wanaheda rondom twee-uur vanoggend. Die mag sê getuies het drie geweerskote gehoor en ‘n man wat skree. Blykbaar het twee verdagtes, een met ‘n wapen by ‘n man gestaan wat op die grond was en hom gevra hoekom hy hulle wou beroof. Die twee het vlug ingeslaan en die man op die grond is dood aangetref met ‘n klip in sy hand. Sy identiteit is nie bekend nie en ‘n ondersoek is gelas.