Toerismebedryf verheug oor heropening van grenspos by Oranjemund

Die grenspos tussen Oranjemund en Alexanderbaai heropen môre. Dié belangrike grenspos tussen Namibië en Suid-Afrika is vanaf Maart 2020 weens die Covid-pandemie gesluit. Dit het vervoerkoste na Oranjemund verhoog met ‘n bykomende 240 kilometer wat vanaf die Noordoewer-grenspos na Oranjemund gery moes word. Veral die toerismebedryf op Oranjemund is verheug oor die grenspos wat heropen.