Sukses met Oryx se verkryging van Dunes Mall

Oryx Properties het kragte saamgesnoer met RMB Namibia vir die verkryging van Dunes Mall in Walvisbaai, wat ‘n beduidende transaksie ter waarde van 630 miljoen Namibiese dollar is. RMB verskaf skuldfinansiering van 500 miljoen dollar om die verkryging te vergemaklik, en om  ‘n bestaande 100 miljoen dollar lening te herfinansier. Volgens die bank is innoverende strukturering toegepas en die voorgestelde transaksiestruktuur het daartoe gelei dat pryse ver onder Oryx se maatstafkoste van skuld is, wat uitstekende aandeelhouerswaarde uit die transaksie ontsluit.