Sudan-generaal sê Emirate befonds RSF

‘n Sudanese generaal sê die Verenigde Arabiese Emirate stuur voorrade aan die Rapid Support Forces. Weermagleiers het voorheen net gesinspeel op inmenging van naamlose buurlande in die sewe maande oue oorlog, wat meer as 6 miljoen mense ontheem het. Generaal Yassir al-Atta sê hy het inligting van intelligensie, militêre intelligensie en die diplomatieke kringe dat die Emirate vliegtuie stuur om die Rapid Support Forces te ondersteun. Die mag het ontwikkel uit Arabiese milisies bekend as die Janjaweed wat gehelp het om Sudan se weermag ‘n rebellie in Darfoer in die 2000’s te vernietig.