Stormers en Bulle deur na VRK halfeindstryd

Die Stormers is die gashere vir Ulster in die Verenigde Rugbykampioenskap se een halfeindstryd volgende naweek. Hulle het Edinburgh gisteraand voor ‘n rasend-opgewonde Kaapstadse skare met 28-17 geklop. Die Bulle kon gister in ‘n vroeëre kragmeting eers ná die einde van die amptelike speeltyd daarin slaag om die Haaie naelskraap met 30-27 in ‘n spannende wedstryd op Loftus te klop. Die losskakel Chris Smith het die oorwinning beklink met ‘n skepskop. Die Bulle kom nou Vrydag in die ander halfeindstryd teen Leinster te staan.