Sportlegendes neem deel aan Gary en Vivienne Player-toernooi

Gholf: ‘n Menigte legendes van ander sportkodes gaan hul vaardighede ten toon stel wanneer hulle op 19 en 20 Noember deelneem aan die Gary en Vivienne Player-uitnodigingsbyeenkoms op Sun City in Noordwes. Die toernooi, ten bate van liefdadigheid, vier die lewe van die gholf-legende, Gary Player, se ontslape vrou wat in Augustus verlede jaar aan kanker dood is. Atlete soos Brian Mitchell, Victor Matfield, Mark Fish en Shaun Bartlett sal by ander gewese sportsterre, beroepsgholfspelers en sakelui aansluit.