Skenk meer geld om MIV in kinders te stop, hoor G20-landeSeptember 23, 2023

Die Anglikaanse aartsbiskop Thabo Makgoba het ‘n beroep gedoen op die G20-lande om hulle finansiële bydraes te verhoog om MIV en Vigs in kinders teen te werk. Statistiek van die VN se gesamentlike program oor MIV en Vigs onthul dat 85 persent van die 2,6-miljoen kinders met MIV-infeksie uit Afrika suid van die Sahara kom. ‘n Duisend babas word elke dag in Afrika met MIV gebore. In ‘n toespraak by die VN se algemene vergadering in New York, het Makgoba die belangrikheid onderstreep van die her-goedkeuring van die Amerikaanse president se noodplan vir vigsverligting vir die volgende vyf jaar.