Savanna se finale syfers: 86,8% van teiken behaal

Savanna Beef Processors se finale beleggingsyfers is bekend. ‘n Bykomende 27,56 miljoen Namibiese dollar is suksesvol ingesamel van 165 deelnemende produsente in sy tweede rondte van befondsing. Dit bring die totaal op 173,568 miljoen dollar, 86,8 persent van sy oorspronklike teiken van 200 miljoen dollar. Die Beesvleis Waardeketting-forum het tans 600 opbetaalde produsentlede terwyl Savanna Beef Processors verteenwoordigend is van 659 produsente-aandeelhouers. Deur die private plasing en die slagregte wat aan aandele gekoppel is, het Savanna Beef Processors daarin geslaag om ‘n beduidende mylpaal van toegewyde deurset van 43 392 diere te verseker.