SA Poskantoor staak uitbetalings van toelae

Die Suid-Afrikaanse Poskantoor het bekendgemaak hy nie meer die hulpverligtingstoelae by sy takke uitbetaal nie. Hy het ‘n beroep gedoen op ontvangers van die toelae, wat reeds weer aansoek gedoen het, om hulle geld by Pick n Pay, Boxer, Shoprite of USave af te haal. Die Poskantoor sê hy het besluit om die uitbetalings te staak om lang toue by sy takke uit te skakel.