Rekord-vloede saai verwoesting in Pakistan

Honderde mense het gesterf en duisende het hul huise verloor in Pakistan terwyl stortreën die land verswelg. ‘n Geraamde een miljoen inwoners is sedert Julie deur swaar reënval, kitsvloede en grondverskuiwings geraak, nadat Pakistan meer as 60 persent van sy normale moeson-reënval binne drie weke verduur het. Dit het hierdie week in die land se grootste stad, Karachi, vir twee agtereenvolgende dae onophoudelik gereën.