Proteas kan Wêreldbeker-veldtog op koers kry

Krieket: Suid-Afrika kry vandag die geleentheid om sy Wêreldbeker-veldtog weer op koers te kry wanneer hy in ʼn groepwedstryd in Mumbai teen Engeland speel. Die Proteas het as een van die gunstelinge in die toernooi na vore getree na oortuigende oorwinnings in hulle eerste wedstryde oor twee sterk spanne, Australië en Sri Lanka. Daarna het hulle onverwags verloor teen een van die klein vissies in die krieketsee, Nederland. Engeland is ook onder druk nadat hy teen Nieu-Seeland en Afghanistan verloor het. Die eerste wedstryd tussen Nederland en Sri Lanka word in Lucknow gespeel.