Portugal oorweeg selfdood deur mediese bystand

Portugal se Parlement gaan vandag na verwagting wetgewing goedkeur wat selfdood met mediese bystand in sekere beperkte omstandighede toelaat. Die regering sê dit sal slegs toelaatbaar wees vir volwassenes wie se wense onlangs, uitdruklik, ernstig, uit vrye wil en ingelig uitgespreek is. ‘n Meningsopname het in 2019 bevind byna 90 persent van Portugal se bevolking wil hê genadedood moet nie meer ‘n misdaad wees nie. België, Luxemburg en Nederland het reeds genadedood gewettig.