Nored betaal sy skuld aan NamPower

Nored het vandag ‘n skuldvereffenings-ooreenkoms met NamPower onderteken. Nored sê in ‘n mediaverklaring hy het al sy uitstaande skuld by die kragvoorsiener betaal. Kliënte word dus verseker dat geen opskorting van elektrisiteit verder sal plaasvind nie. Die woordvoerder Simon Lukas vra namens Nored verskoning weens die ongerief wat veroorsaak is deur die kragonderbrekings wat verlede Maandag deur NamPower ingestel is weens die uitstaande skuld. Hulle doen egter ‘n beroep op kliënte om hul skuld te betaal.