NBL se biervolumes neem met 9,2% in 2021 toe

Namibia Breweries Limited – ‘n filiaal van die Ohlthaver en List Groep – se biervolumes het in 2021 met 9,2 persent toegeneem, hoofsaaklik as gevolg van produksievolumes wat na Suid-Afrika gestuur is. Namibiese biervolumes het met 7,3 persent gedaal weens die Covid-pandemie, wat ‘n beperkte handelsomgewing gedurende die tydperk Julie en Augustus 2021 ervaar het, terwyl aansienlike skommelinge in volume-aanvraag  teen die einde van 2021 ervaar is.