Navorsers bevind honde kan ook trane van geluk stort

‘n Navorser het bevind honde kan trane van geluk stort. Die Japannese wetenskaplike, Takefumi Kikusui, het met die navorsing begin nadat hy opgemerk het sy poedel stort trane wanneer sy haar kleintjies voed. Hy het bevind honde kan, net soos mense, emosionele trane stort. Dit gebeur ook wanneer hulle eienaars terugkeer huis toe na ‘n lang afwesigheid. Die professor aan die Azabu Universiteit het ‘n standaard-toets gebruik om honde se basislyn-tranevolume te bepaal en het gevind die volume styg met tien persent wanneer hulle gunsteling mens tuiskom.