Naspers se e-handel groei met 52%

Die Suid-Afrikaanse internet- en mediareus, Naspers, het ‘n sterk vertoning gelewer in die ses maande tot 30 September, waartydens e-handelsinkomste met 52 persent gegroei het. Die onderneming sê in ‘n verklaring die groep het sy beleggings verhoog om groei verder te versnel in sy toenemend waardevolle internetondernemings. E-handel inkomstegroei het versnel met die e-handel portefeulje se waardasie wat skerp gestyg het. Naspers se handelswins het met 9 persent tot by 45 miljard Suid-Afrikaanse rand gegroei, en wesensverdienste per aandeel het met 11 persent gegroei.