Namport vertoon uiters goed in eerste 7 maande

Namport het 20 persent meer verdien, 796 miljoen Namibiese dollar, vir die sewe maande tot einde Oktober vanjaar. Die hawe-owerheid se uitvoerende hoof Andrew Kanime, sê dus het bedryfswins met 63 persent tot 202 miljoen dollar gestyg. Volgens Kanime is dit organiese groei en nie as gevolg van enige tariefaanpassings nie. Hy sê beide ou en nuwe kliënte is verwelkom en bedien. Die owerheid het ook nuwe kommoditeite van nuwe markte begin hanteer. Namport se bedryfsuitgawes vir die tydperk het met 10 persent tot 594 miljoen dollar toegeneem.