Namib Mills genoodsaak om pryse op te stoot

Namib Mills het prysverhogings vir sekere van hul produkte aangekondig wat op 14 November in werking sal tree. Mieliemeel sal 13 persent meer kos en kitspap sal met nege persent styg. Die suikerprys sal met 6,5 persent styg en koringmeel sal met vyf persent styg. Brood sal jou vier persent meer uit die sak jaag en  Polana Pasta en Pasta King styg met drie persent elk. Die maatskappy lê die prysstygings voor die deur van die versterking van die Amerikaanse dollar.