Nambiese gemeenskapsbewaring laat inkomste inrol

Vanaf 1990 tot 2021 het gemeenskaps-bewaring sowat 11,9 miljard Namibiese dollar tot Namibië se netto nasionale inkomste bygedra, volgens die omgewingsministerie se woordvoerder, Romeo Muyunda. Hy sê gemeenskapsbewaring het 3 548 werksgeleenthede geskep en bewaringsgebiede het totale kontant-inkomste en voordele vir landelike gemeenskappe van 91,7 miljoen dollar gegenereer. In 2021 het bewaringsjag ongeveer 26 miljoen dollar opgelewer, met ‘n vleiswaarde van sowat 3,3 ton wildsvleis ter waarde van ongeveer 9 miljoen dollar wat aan gemeenskappe uitgedeel is. Toerisme het ongeveer 54 miljoen dollar ingebring, terwyl inheemse plante 1 miljoen dollar en ander inkomste 1,7 miljoen dollar was. Ongeveer 11,6 miljoen dollar kontantvoordele is aan gemeenskappe uitgedeel en gebruik om gemeenskapsprojekte te ondersteun.