Motorsport: Perez wen Grand Prix in Singapoer

Motorsport: Red Bull se renjaer Sergio Perez het ‘n skitterende vertoning gelewer om die aksie-gevulde Singapoer Grand Prix te buit. Charles Leclerc van Ferrari en sy spanmaat Carlos Sainz het tweede en derde geëindig in die wedren met bedrieglike nat en droë toestande. Die voorloper in die Kampioenskap, Max Verstappen van Red Bull, het sewende klaar gemaak terwyl die -wêreldkampioen van Mercedes, Lewis Hamilton wat derde weggespring het, negende was ná twee foute. Verstappen kan Sondag die titel in Japan wen, maar dit sal van Perez en Leclerc se uitslae afhang.