Meatco maan beeste se brandmerke moet duidelik wees

Dit is alombekend dat die winterbedekking wat diere ontwikkel, onsigbaarheid van brandmerke tot gevolg het, volgens die Namibiese Landbou-unie. Meatco doen ‘n beroep op produsente om hul diere te herbrand om duidelike brandmerke te verseker wanneer diere by Meatco se uitvoer-abattoir afgelaai word. Onduidelike of onsigbare brandmerke bemoeilik inspeksie deur veeartsenydienste, aangesien eienaarskap bevraagteken kan word as diere nie identifiseerbaar is nie. Die Dieregesondheidswet se regulasies vereis dat diere duidelik gebrandmerk word. Veeartsenydienste vereis dus dat 95 persent van diere wat na Meatco, sowel as elders, gelewer word duidelike brandmerke moet hê. Rosa Hamukuaja, woordvoerder van Meatco, verduidelik aan Kosmos 94.1 Nuus.