Ma van 6-jarige skoolskieter aangekla

‘n Groot jurie van Virginia het die ma aangekla van ‘n sesjarige kind wat op 6 Januarie ‘n onderwysers in Newport News geskiet het. Die kind het die vuurwapen in sy rugsak na die Richneck Elementary School gebring waar hy die 25-jarige onderwyser, Abigail Zwerner, geskiet het.  Sy het ernstige beserings aan haar bors en hand opgedoen, maar het oorleef. Aanklaers sê Deja Taylor staan tereg op een aanklag van kinderverwaarlosing en een van ‘n misdryf omdat sy op roekelose wyse ‘n gelaaide vuurwapen gelaat het waar dit ‘n kind in gevaar kon stel.