Lugmagvlieënier beseer in vliegtuigongeluk by Ondangwa

‘n F7-vegvliegtuig van die Namibiese lugmag was by die Ondangwa-lughawe in ‘n ongeluk betrokke toe die landingsvalskerm wat die spoed tydens landing moet breek, nie oopgegaan het nie. Volgens kaptein Oskar Plichta, die vliegtuigongeluk-ondersoekbeampte in die ministerie van werke en vervoer, het die vliegtuig aan die anderkant van die aanloopbaan afgegaan en teen die sekuriteitsheining gebots. Die vlieënier, die enigste insittende, is beseer.