Lenings by mikroleners op met 23%

Die totale hoeveelheid huishoudings in Namibië wat van sogenaamde mikroleners gebruik maak, het met 23,4 persent vanaf 2021 tot 2022 gestyg. Dit bring die totaal op amper 234 000 huishoudings te staan. Die totale skuld staan op 7,3 miljard Namibiese dollar, ‘n toename van amper 21 persent. Volgens wetgewing kan mikroleners ‘n maksimum van 100 000 dollar uitleen oor ‘n periode van 60 maande teen twee keer die primakoers, wat nou op 10 persent staan.