Landbou-kenner gee sy reaksie op nóg Savanna Beef-aandele

‘n Namibiese landbou-kenner het sy reaksie gegee op ‘n derde kans wat aan beesvleis-produsente gebied word om aandele te koop in Savanna Beef Processors. Volgens Mecki Schneider, die voorsitter van die Forum vir die Beesvleiswaardeketting se taakspan, asook van Savanna Beef, is daar hernude belangstelling om meer aandele te koop nadat produsente tot dusver 173,5 miljoen Namibiese dollar se aandele bekom het. Hy sê ‘n geleentheid sal gebied word om ’n verdere 26,5 miljoen dollar se aandele te koop, met die hoop dat beesprodusente 100 persent van die 200 miljoen dollar aandelekapitaal kan besit. Kosmos 94.1 Nuus het met landboukundige Wallie Roux gepraat…