Krieket: Gary Ballance gaan vir sy geboorteland, Zimbabwe, speel

Krieket: Zimbabwe het die voormalige Engelse toetskolwer, Gary Ballance, in ʼn groep van 15 spelers ingesluit vir ʼn reeks van drie T20 internasionale wedstryde later vandeesmaand teen Ierland in Harare. Die 33-jarige links-kolwer is in Zimbabwe gebore en het Engeland in 23 toetse en 16 internasionale eendagwedstryde verteenwoordig. Hy het 1 498 toetslopies teen ʼn gemiddeld van 37,45 aangeteken en 297 lopies in eendagkrieket teen ʼn gemiddeld van 21,21 in ʼn loopbaan wat in 2013 begin het. Ballance het nou ʼn kontrak van twee jaar onderteken om plaaslike en internasionale krieket vir Zimbabwe te speel.