Jongste oor Namibië se damme, terwyl die reën wegbly

NamWater se jongste dambulletin toon dat bronne vir die sentrale gebied op die oomblik op 58,8% staan met Swakoppoort op 76,6 persent en Von Bach op 47,9 persent. Net meer as ‘n miljoen kubieke meter water is van Omatako die week na Von Bach oorgepomp en Omatako is tans 44,7 persent vol. In die Ooste is bronne op 43,2 persent met Otjiverodam wat 42,3 persent van kapasiteit het. Daar is 2,5 miljoen kubieke meter water vanuit die Hardapdam gepomp, die meeste deur die groenskema aanplantings daar, en die dam is tans op 47,8 persent van kapasiteit. Naute by Keetmanshoop het 82,3 persent water en Oanob, 76,7 persent. Bronne vir die Suide is tans op 55,7 persent. Reënvooruitsigte tussen vandag en 13 Januarie vertoon effe beter vir reën in die sentrale en suidelike gebiede van die land.