Vragbedrywighede by Lebombo is hervat
Die Grensbestuursowerheid en die Suid-Afrikaanse Inkomstediens het vragbedrywighede by die Lebombogrens hervat. Die opeenhoping van skeepsladings is opgelos nadat Mosambiek die verwerkingstelsels by Ressano Garcia herstel het. Die woordvoerder van Grensbestuur, Mmemme Mogotsi, sê kommissaris Michael Masiapato het bevestig die hawe werk weer volstoom. Reisigers word aangemoedig om op die hoogte te bly van ontwikkelings […]
Taliban sal COP29 bywoon
Taliban-amptenare sal die VN-klimaatkonferensie bywoon wat volgende week begin, die eerste keer sedert die beweging bewind in Afghanistan in 2021 oorgeneem het. Die COP29-klimaatberaad in Azerbeidjan se hoofstad, Baku, sal een van die geleenthede met die hoogste profiel wees wat amptenare van die Taliban-administrasie bywoon. Die VN het nie toegelaat dat die Taliban Afghanistan se […]
Selfmoord bomaanval dood 24 in Pakistan
Minstens 24 mense is dood en meer as 40 beseer in ‘n bomontploffing Saterdag by ‘n spoorwegstasie in die stad Quetta in die suidweste van Pakistan. Quetta is die hoofstad van die Balochistan-provinsie, wat worstel met ‘n oplewing in geweld deur separatistiese etniese militante. Owerhede sê die teiken was weermagpersoneel met 16 soldate onder die […]
IPC hou suksesvolle saamtrek in Windhoek
Die Independent Patriots for Change het sy ster-saamtrek in Windhoek met groot sukses gehou. In sy tipiese en baie anderse styl het partypresident Panduleni Itula het saam met partylede deur die strate van die hoofstad geloop. Die IPC het reeds vroeg in 2022 sy veldtog vir die komende verkiesings geloods en hou nie gereeld groot […]
SA 227 dae beurtkrag-vry
Eskom sê beurtkrag is nou vir 227 dae lank opgeskort, wat sedert Maart gelykstaan aan sewe maande, danksy die nutsmaatskappy se Opwekkingsherstelplan. Met verbeterings in die steenkoolvloot en minder onderbrekings, sê Eskom hy het jaar-tot-jaar 14,6 miljard Suid-Afrikaanse rand se diesel gespaar. Nog besparings en volgehoue elektrisiteitstoevoer word verwag, wat die somer beurtkragvry behoort te […]
Biden en Trump gesels Woensdag by die Withuis
Die Withuis het aangekondig die verkose president Donald Trump sal Joe Biden Woensdag in die Oval Office besoek in hulle eerste ontmoeting sedert die Amerikaanse verkiesing. Biden se na-verkiesingsuitnodiging aan Trump is ‘n tradisie tussen die uittredende en inkomende presidente. Maar toe Trump in 2020 die verkiesing verloor het teen Biden, het die Republikein die […]
Engeland lelik ontnugter met 42-37 verlies
Engeland, wat die gunstelinge was in hulle kragmeting teen die Wallabies op Twickenham, is ontnugter toe hulle met 42-37 teen die besoekers verloor het. ‘n Drie in die doodsnikke deur die plaasvervanger-agterspeler Max Jorgensen het die wedstryd vir die Aussies vasgeknoop. In ander kragmetings het Argentinië Italië met 50-18 vermorsel, Frankryk het Japan met 52-12 […]
Doeane en aksyns verdien groot vir NamRA
NamRA het 27,9 miljard Namibiese dollar ingevorder van doeane en aksyns in die 2023-24 finansiële jaar wat gestelde teikens oorskry het. Internasionale handel het die hoogste bedrag bygedra, op 25,9 miljard dollar. Die brandstofheffing het die tweede hoogste inkomste gegenereer, 1,3 miljard dollar terwyl die omgewingsheffing 141,9 dollar se inkomste opgelewer het. Die syfers is […]
SAPD lê beslag op vervalste goedere van R2m
Die Suid-Afrikaanse Polisiediens het in Fordsburg, Johannesburg beslag gelê op vervalste goedere ter waarde van meer as 2 miljoen Suid-Afrikaanse rand, en 24 verdagtes in hegtenis geneem. Die aanklagte sluit in 23 sake van oortreding van die Wet op Immigrasie en een van handel in vervalste goedere. Die polisie-woordvoerder Amanda van Wyk sê die operasie […]
Brasiliese klimaatbelofte verwelkom
Brasilië het besonderhede van sy nuwe belofte oor klimaatsverandering aangekondig. Dit stel ‘n teiken om die land se kweekhuisgasvrystellings teen 2035 te verlaag. Die land sal sy belofte by die komende COP29 in Azerbeidjan bekend maak. Dit word as uiters belangrik geag omdat Brasilië een van die wêreld se grootste vrystellers van koolstofdioksied is. Die […]