Covid-19: 26 leerders positief
Die Namibiese gesondheidministerie het vandag 261 nuwe Covid-19-gevalle van 12 streke uit 1 094 toetsuitslae aangekondig. In die groep is 26 leerders, 5 onderwysers en 9 gesondheidswerkers. Daar is nou 3 062 aktiewe gevalle met 243 mense wat in hospitale is, waarvan 60 in hoësorg-eenhede. Nege mense het in onderskeidelik Windhoek, Rehoboth, Grootfontein en Tsandi […]
Kankervereniging hou jaarvergadering in Junie
Die Kankervereniging van Namibië gaan sy algemene jaarvergadering op 29 Junie om halfsewe die aand by hul hoofkantoor in die hoofstad hou. Rolf Hansen, die uitvoer hoof, het met Kosmos 94.1 Nuus gepraat.
Nanso teleurgesteld in NSFAF
Dylan Mukoroli, die Namibiese Nasionale Studente Organisasie Nanso se woordvoerder is teleurgesteld in die finansiële bestuur van die Namibiese Studente Hulpfonds. Die ouditeur-generaal Junias Kandjeke het die fonds se sake van 2011 tot 2019 ge-oudit en sê daar is geen finansiële stelsels by die fonds nie. Oor die afgelope 6 jaar het betaling aan raadslede […]
Vulkaan in DRK eis 15 lewens
Minstens 15 mense is dood en meer as 500 huise vernietig toe die vulkaan Nyirangongo naby die stad Goma in die Demokratiese Republiek die Kongo uitgebars het. Meer as vyfduisend mense het gevlug. Volgens die Verenigde Nasies se Kindersfonds is 170 kinders steeds vermis.
ReconAfrica, Myneministerie ontken beweringe
Beide ReconAfrica en die Namibiese ministerie van myne en energie, ontken alle beweringe wat in die gesaghebbende omgewingstydskrif National Geographic gepubliseer is. Albei het in ‘n mediaverklaring beklemtoon dat die Kanadese olie- en gasmaatskappy alle wette gehoorsaam en die beste praktyke toepas in alle gebiede waar hulle werk. Die spruit uit ‘n hokaairoeper wat ‘n […]
Wes-Kaap-leerders kan uitslag van aansoeke kry
Byna 150 000 geregistreerde gebruikers op die Wes-Kaapse onderwysdepartement se toelatingswebtuiste het gretig gewag om toegang te kry tot die uitslag van leerders se aansoeke vir die 2022-skooljaar. ‘n Woordvoerder, Bronagh Hammond, sê die wag is oor en die uitslag van meer as 400 000 aansoeke kan nou deur ouers en leerders besigtig word.
Afrika-dag moet ons herinner om volhoubare oplossings te vind
President Cyril Ramaphosa sê die Covid-19-pandemie het mense in Afrika wat reeds ly onder die gevolge van konflik, onderontwikkeling en armoede, meer kwesbaar gemaak. Hy skryf in sy weeklikse nuusbrief oor Afrika-dag wat môre herdenk word dat pogings verskerp moet word om ‘n volhoubare, blywende maatskaplike en ekonomiese herstel vir die vasteland te bereik. Ramaphosa […]
‘Groen- toekennings baie belangrik
Die Volhoubare Ontwikkeling-toekennings van die Omgewings Beleggingsfonds is die naweek gehou. Nege verskillende kategorieë vir organisasies en individue wat aansienlik tot volhoubare ontwikkeling bygedra het is aangebied. Lot Ndamanomhata, die hoof van Korporatiewe Kommunikasie by die fonds sê die toekennings is van kritiese belang.
Arbeid se hoofkantoor gesluit
Verskeie kantore en afdelings van die Namibiese Ministerie van Arbeid se hoofkantoor in die hoofstad is gesluit en die gepaardgaande personeel is tans in self-isolasie. Luidens ‘n interne skrywe is daar vanoggend ‘n positiewe geval bevestig. Die betrokke afdelings sal gereinig word. Dit is nie duidelik hoe lank die betrokke afdelings gesluit sal wees nie.
Wollie en Wagter kry ook koud, en skenk asb aan die DBV…
Die winter is reeds hier en die Nasionale Direkteur van die Dierebeskermingsvereniging Hanna Rhodin doen ‘n beroep op troeteldier eienaars om hulle diere teen die elemente te beskerm. Skenkings aan die DBV is natuurlik ook altyd welkom.