‘SA boere en plaaswerkers moet ingeënt word’
Die African Farmers Association of South Africa in Limpopo sê dit is van kardinale belang dat boere en plaaswerkers ingeënt moet word om voedselsekerheid te verseker. Dit volg nadat Agri-SA ‘n beroep op die regering gedoen het om die inentings van beide boere en plaaswerkers voorop te stel. Afasa se direkteur in Limpopo, Tshianeo Mathidi, […]
Wes-Kaapse premier doen beroep op kalmte
Die Wes-Kaapse premier Alan Winde het ná die openbare geweld ‘n beroep gedoen op kalmte en respek vir die oppergesag van die reg in die provinsie en die res van die land. Winde sê die misdadige optrede van ‘n paar mense ondermyn die regte van medeburgers. Baie landsburgers word hulle reg ontneem op mediese sorg […]
Ramaphosa spreek later SA oor protesoptrede toe
Suid-Afrikaanse President Cyril Ramaphosa sal na verwagting later vandag die land toespreek oor die aanhoudende gewelddadige protesoptrede in verskeie streke en dorpe. Die presiese tyd van sy toespraak moet nog aangekondig word. Die Suid-Afrikaanse weermag is reeds ontplooi.
Namibiese se totale damvlakke staan op 86,2%
Namibiese damvlakke verskil gering teenoor verlede week se vlakke. Volgens NamWater se weeklikse dambulletin staan die sentrale streek se totale damvlakke op 81,1 persent teenoor verlede week se 81,8 persent. Gobabis se damme is 36,2 persent vol en die Suide se totale damvlakke staan op 88,3 persent met die Nautedam wat 95,2 persent vol is.
Kanada kondig noodmaatreëls af oor hittegolf
Die hittegolf wat die weste van Noord-Amerika getref het, is steeds in volle swang met Kanada wat noodmaatreëls afgekondig het. Treindienste is teruggeskaal omdat treine glo tot brande lei. Volgens internasionale nuusagentskappe is 298 brande in Brits-Columbië in Kanada aangemeld.
Durbanse Handelskamer vra ingryping van SA Weermag
Dit volg ná die Durbanse Kamer van Koophandel en Nywerheid ‘n beroep gedoen het op President Cyril Ramaphosa om die Suid-Afrikaanse Nasionale Weermag in KwaZulu-Natal te ontplooi. Openbare geweld het in dele van die provinsie uitgebreek het met winkels wat geplunderis en meer as 20 vragmotors is aan die brand gesteek by die N3 Mooiriver […]
Kragskuld: Okahandja kom ooreenkoms na
NamPower het vroeër die jaar verskeie dorpsrade kennis gegee van die opskorting van dienste weens wanbetaling. Een van die munisipaliteite was Okahandja wat ter elfder uur ‘n afbetalings ooreenkoms beklink het. Volgens Cenored se skakelbeampte Charlie Matengu word die ooreenkoms nagekom en daar is geen risiko van enige onderbrekings nie.
Ontsouting: NamWater sê oor die pad vorentoe
Die hoof uitvoerende beampte van NamWater Abraham Nehemia het meer inligting bekend gemaak oor die stappe wat hulle sal neem in verband met die kabinet se opdrag. Kabinet het beslis dat fase een van die ontsoutingsaanleg van stapel gestuur word. Die opdrag volg na die lewensvatbaarheids ondersoek wat deur SLR omgewingskonsultante vir NamWater voltooi is. […]
Geen meer Gangnam-style in Suid-Koreaanse gimnasiums nie
Liefhebbers van aërobiese oefeninge in Suid-Korea sal nie meer Gangnam-style kan rondspring nie. As gevolg van ‘n skerp styging in Covid-gevalle het owerhede in daardie land nuwe maatreëls bekend gemaak en een is dat musiek in gimnasiums mag nie meer as 120 tromslae ‘n minuut bevat nie. Owerhede meen stadiger oefen beteken minder spoeg en […]
Eskom waarsku oor kragbronne tydens koue
Eskom waarsku die koue front in sommige dele van die land sal die vraag na elektrisiteit verhoog en sodoende die stelsel onder druk plaas. Die Suid-Afrikaanse Weerdiens sê winderige, koue toestande word verwag in dele van die land. Eskom sê daar was geen beurtkrag sedert die 13de van verlede maand nie, weens ‘n geringe verbetering […]