Sluipmoordaanval in Kampala
Gewapende aanvallers het vandag in Kampala op Uganda se oud-weermagbevelvoerder en huidige vervoerminister, generaal Katumba Wamala, in sy ampsvoertuig losgebrand. Sy dogter en drywer is in die sluipmoordaanval dood, berig internasionale media. Wamala is beseer.
Eerste Afrikaanse radio-uitsending vandag 45 jaar gelede
Vandag 45 jaar gelede het die Afrikaanse diens van die SAUK sy eerste radio-uitsending van vier ure vanaf Windhoek gehad. Kosmos 94.1 se stigter, Kolie van Coller, is deur Renathe Loth en Jonathan Basson bygestaan. Van Coller onthou hierdie geskiedkundige dag op 1 Junie 1976. Van Coller onthou ook die tegnologiese uitdagings.
Opuwo landelike verkiesing op 2 Julie
Die herhaling van die verkiesing van die Opuwo landelike kiesafdeling se verteenwoordiger op die Kunene-streeksraad sal op 2 Julie plaasvind. Volgens die Verkiesingskommissie van Namibië verloop die voorbereiding van die verkiesing goed.
BLSA: Onteieningswetsontwerp skrik beleggers af
Die bestuurshoof van Business Leadership South Africa, Busi Mavuso, sê die grootste kwessie met die Onteieningswetsontwerp is dat dit duidelik sê eiendom is nie net tot grond beperk nie. Dit beteken dat enigiets onteien kan word, van roerende en onroerende bates tot intellektuele eiendom. Die wetgewing moet die bestaande Onteieningswet van 1975 vervang. Mavuso sê […]
Eer jou vader en jou moeder
Die Verenigde Nasies herdenk vandag Wêreld-ouerdag. Dié dag word sedert 2012 jaarliks op 1 Junie wêreldwyd gevier om alle ouers te vereer vir hul onbaatsugtige toewyding en liefde aan hul kinders en hul lewenslange opoffering. ‘n Maatskaplike werker, Lucia Eises, beskryf aan Kosmos 94.1 Nuus die rol wat ‘n ouer in ‘n kind se lewe […]
IRR bekommerd oor wysingings aan Artikel 15 van SA Grondwet
Die Instituut vir Rasse-aangeleenthede maan Suid-Afrikaners om kennis te neem van die ernstige implikasies van die voorstelle wat die ANC gemaak het rondom die wysiging van Artikel 25 van die Grondwet. Verlede week het die parlement se ad hoc-komitee, wat wetgewing instel ten opsigte van die wysiging van Artikel 25 van die Grondwet, besluit om […]
Polisie-hoë besoek Hardapstreek
Goeie samewerking en verhoudinge tussen gemeenskapslede en die Namibiese polisie is belangrik om misdaad te bekamp, sê die Namibiese polisie se adjunk-inspekteur-generaal van operasies, kommissaris Joseph Shikongo. Shikongo het vergaderings met lodge-eienaars en gemeenskapslede by Sesriem en Sossusvlei in die Hardap-streek gehad tydens sy drie daagse toer na die Namib Naukluft-park. Een van die uitdagings […]
Stad Kaapstad: Skrap aandklokreël-beperkings
Die Stad Kaapstad wil sommige van die heringestelde vlak twee aandklokreël-beperkings geskrap hê in die lig van die onlangse vordering wat gemaak is op handelsvlak en in die toerismebedryf. Die burgemeesters-komiteelid vir ekonomiese geleenthede en batebestuur, James Vos, sê die 66 persent toename in binnelandse vlugte na die Kaapstadse Internasionale Lughawe in die eerste helfte […]
Namibiese damme is gesamentlik 68% vol
Namibië se damme is tans gesamentlik 68 persent vol. Volgens NamWater se weeklikse dambulletin is die damme in die sentrale streek 85,1 persent vol, teenoor verlede seisoen se 78,3 persent. Die Swakoppoortdam is die volste op 94,6 persent, die Von Bachdam is 72 persent vol en die Omatakodam 85,3 persent. Die damme in die Suide […]
Chinese provinsie het Indiese variant
Owerhede het die Chinese provinsie, Guangdong, streng ingeperk na wat volgens berigte die eerste gemeenskaps-uitbreking van die Indiese Covid-19 variant in die land is. Die Wêreldgesondheidsorganisasie noem hierdie weergawe die Delta-variant. Die provinsie het 23 nuwe gevalle aangeteken. Internasionale media berig honderde vlugte op die besige internasionale Guangdong Baiyun lughawe is gekanselleer, en die owerhede […]