WGO keur Sinovac goed
Die Wêreldgesondheidsorganisasie het die Chinese maatskappy Sinovac se Covid-19-entstof vir noodgebruik goedgekeur. Die WGO sê CoronaVac voldoen aan internasionale standaarde. Die entstof word reeds in verskeie lande gebruik.
SA: Skouer aan die wiel met inentings
Die Suid Afrikaanse President, Cyril Ramaphosa sê sy regering sit nou skouer aan die wiel om oor die volgende paar weke nóg meer mense teen Covid-19 in te ent. Die land het laat gister sy een miljoen inentingsmylpaal bereik. Ons Kaapse korrespondent, Fritz Platt, is aan die woord.
Windhoek Gimnasium ook gesluit
Die voorsitter van die Namibiese Privaatskole-vereniging en uitvoerende hoof van Windhoek Gimnasium, Colette Riecket, het ook bevestig dat dié skool weens Covid-19 gesluit is. Sy het gesê daar is oor die afgelope paar dae redelike Covid-19-positiewe gevalle by personeel, en ouers en leerders ervaar waar ook tragiese gevalle van ouers was wat gesterf het. Sy […]
Windhoek Afrikaanse Privaatskool toe weens Covid-19
Twee privaatskole in Windhoek is weens die Covid-19-pandemie gesluit. Die hoërskoolhoof van die Windhoek Afrikaanse Privaatskool Cobus Espach het aan Kosmos 94.1 Nuus bevestig die hoërskool is gesluit. Hy het gesê voorsorg is getref om die skool skoon te maak. Leerders sal met aanlynklasse voortgaan en die skool sal Dinsdag weer heropen.
Australie: Victoria verleng inperkings
Die Australiese staat Victoria het streng inperking vandag met nog ‘n week verleng om te probeer keer dat die Indiese Delta-variant van Covid-19 verder in Melbourne en omstreke versprei. Volgens internasionale media is 60 nuwe gevalle aangeteken.
Busontploffings in Kaboel eis 12 lewens
Minstens 12 mense is Dinsdagaand dood in twee ontploffings op openbare busse in Kaboel in Afghanistan, berig internasionale media. Dit was in die westelike deel van die stad waar die Sjiïtiese minderheid woon. Hulle was al voorheen deur die Islamitiese Staat geteiken.
Mwilima: Botswana boelie Namibië
Botswana se voortgesette boelietaktieke teen Namibiërs en die regering, kan nie so gelos word nie. Só sê die wetskrywer van die Popular Democratic Movement Geoffrey Mwilima oor die 30 Namibiërs wat al op die grense tussen die twee lande dood is. Namibië het ook grond in die laat negentigs verloor, insluitend Kasikili-eiland. Mwilima het aan […]
IPPR prys burgerlike samewerkingsorganisasies
Die Instituut Openbare Beleidsnavorsing se direkteur, Graham Hopwood sê Namibiërs, veral politici en staatsamptenare moet burgerlike samelewingsorganisasies ernstig opneem. Hy sê die werk wat hulle doen maak positiewe bydraes tot die ontwikkeling van die land in verskeie sektore soos menseregte. Hy het hierdie opmerkings in Windhoek gemaak tydens die bekendstelling van ‘n program van die […]
Olifante stap stad toe
Vyftien olifante, waaronder drie kalfies, stap in die rigting van die Chinese stad Kunming. Hulle het sowat 500 kilometer afgelê en is waarskynlik op soek na kos, berig internasionale media. Die regering het padblokkades en kos gebruik in ‘n poging om hulle van koers te laat verander.
Staatsadvokaat: Zuma het geen wettige gronde
Suid-Afrikaanse staatsadvokaat Billy Downer het dokumente by die hooggeregshof in Pietermaritzburg in KwaZulu-Natal ingedien waarin beweer word Oudpresident Jacob Zuma poog weer eens om sonder enige wettige basis die Nasionale Vervolgingsgesag aan te val. Hy voeg by dat soortgelyke pogings in die verlede misluk het. Downer is die hoofaanklaer in Zuma se korrupsieverhoor oor die […]