VK vier 70 jaar op die troon vir koningin Elizabeth
Buckingham Paleis het ‘n reeks geleenthede vir volgende jaar aangekondig, om koningin Elizabeth se 70 jaar op die Britse troon te vier. Die platinum-jubileum sluit in ‘n regstreekse konsert met van die wêreld se grootste sterre. Die koningin se sewe dekades as monarg sal gevier word tydens ‘n vierdag-lange spesiale openbare vakansie van die tweede […]
Sakeman met Gupta-bande, nog drie vas
Die Suid-Afrikaanse Nasionale Vervolgingsgesag het bevestig dat ‘n hooggeplaaste sakeman met vermoedelik Gupta-bande, en drie voormalige amptenare van die Vrystaatse departement van landbou in hegtenis geneem is. Die NVG se woordvoerder, Sindisiwe Seboka, sê die groep sal na verwagting môre in die hof in Bloemfontein verskyn. Dit is nog onbekend wat die klagte teen hulle […]
SAL gaan nóg N$3,5 miljard kort
Dit is niks nuuts dat die SAL nog 3,5 miljard Namibiese dollar oor drie jaar gaan kort nie, sê die Suid-Afrikaanse minister van openbare ondernemings, Pravin Gordhan. Dit was blykbaar altyd die plan. Dit sal die lugdiens se totale reddingsboei op 14 miljard Namibiese dollar te staan bring. Die sakereddingsproses kos die Suid-Afrikaanse regering al […]
WGO keur Sinovac goed
Die Wêreldgesondheidsorganisasie het die Chinese maatskappy Sinovac se Covid-19-entstof vir noodgebruik goedgekeur. Die WGO sê CoronaVac voldoen aan internasionale standaarde. Die entstof word reeds in verskeie lande gebruik.
SA: Skouer aan die wiel met inentings
Die Suid Afrikaanse President, Cyril Ramaphosa sê sy regering sit nou skouer aan die wiel om oor die volgende paar weke nóg meer mense teen Covid-19 in te ent. Die land het laat gister sy een miljoen inentingsmylpaal bereik. Ons Kaapse korrespondent, Fritz Platt, is aan die woord.
Windhoek Gimnasium ook gesluit
Die voorsitter van die Namibiese Privaatskole-vereniging en uitvoerende hoof van Windhoek Gimnasium, Colette Riecket, het ook bevestig dat dié skool weens Covid-19 gesluit is. Sy het gesê daar is oor die afgelope paar dae redelike Covid-19-positiewe gevalle by personeel, en ouers en leerders ervaar waar ook tragiese gevalle van ouers was wat gesterf het. Sy […]
Windhoek Afrikaanse Privaatskool toe weens Covid-19
Twee privaatskole in Windhoek is weens die Covid-19-pandemie gesluit. Die hoërskoolhoof van die Windhoek Afrikaanse Privaatskool Cobus Espach het aan Kosmos 94.1 Nuus bevestig die hoërskool is gesluit. Hy het gesê voorsorg is getref om die skool skoon te maak. Leerders sal met aanlynklasse voortgaan en die skool sal Dinsdag weer heropen.
Australie: Victoria verleng inperkings
Die Australiese staat Victoria het streng inperking vandag met nog ‘n week verleng om te probeer keer dat die Indiese Delta-variant van Covid-19 verder in Melbourne en omstreke versprei. Volgens internasionale media is 60 nuwe gevalle aangeteken.
Busontploffings in Kaboel eis 12 lewens
Minstens 12 mense is Dinsdagaand dood in twee ontploffings op openbare busse in Kaboel in Afghanistan, berig internasionale media. Dit was in die westelike deel van die stad waar die Sjiïtiese minderheid woon. Hulle was al voorheen deur die Islamitiese Staat geteiken.
Mwilima: Botswana boelie Namibië
Botswana se voortgesette boelietaktieke teen Namibiërs en die regering, kan nie so gelos word nie. Só sê die wetskrywer van die Popular Democratic Movement Geoffrey Mwilima oor die 30 Namibiërs wat al op die grense tussen die twee lande dood is. Namibië het ook grond in die laat negentigs verloor, insluitend Kasikili-eiland. Mwilima het aan […]