Jacob Zuma nie môre in hooggeregshof in Pietermaritzburg

Die Jacob Zuma-stigting het bevestig oudpresident Jacob Zuma sal nie môre in die hooggeregshof in Pietermaritzburg teenwoordig wees wanneer regter Piet Koen uitspraak lewer in sy aansoek dat hoofaanklaer Billy Downer verwyder word nie. Zuma het verlede Donderdag twee strafregtelike sake teen die regsgeleerde aanhangig gemaak. Hy beskuldig Downer dat hy inligting oor sy korrupsieverhoor en mediese rekord sonder toestemming aan derde partye uitgelek het.