Ivoor, renosterhoring is landsbates: Shifeta

Met Cites-lidmaatskap, wat nodig is omdat Namibië betrokke is by verskeie verdrae en meer, mag geen ivoor, verwerk al dan nie, in die internasionale mark verkoop word nie. Renosterhorings word daarby ingesluit. Namibië saam met lande soos Zimbabwe hou voet by stuk dat ons die reg het om ons natuurlike hulpbronne tot ons voordeel te kan benut. Omgewing-minister Pohamba Shifeta het by ‘n perskonferensie hierdie standpunt onomwonde herhaal.