Israel verklaar noodtoestand in Lod

Israel het ‘n noodtoestand in die stad Lod verklaar. Daar word berig Lod was die toneel van twee nagte se oproerigheid deur Arabiese Israeli’s waartydens sinagoges en Joodse skole volgens berigte aan die brand gesteek is, terwyl Israel se interne stryd dreig om meer ontwrigtend as die vuurpylaanvalle uit Gasa te wees. Minstens 40 mense het gesterf namate die konflik tussen Israeliese magte en Palestynse militante toegeneem het. Die Withuis sê hy glo Palestyne en Israeli’s verdien ‘n gelyke mate van vryheid, sekerheid, waardigheid en welvaart. 


Leave a Reply

Your email address will not be published. Required fields are marked *